Në datën 06 Nëntor 2010, në orën 12.00 Universiteti POLIS dhe Co-PLAN me mbështetjen e SCP Swiss Cultural Program, Zvicër organizuan promovimin e Periodikut Shkencor të Arkitekturës dhe Planifikimit Urban Forum A+ P, Nr.6, “Dizajni si Instrument Ndryshimi!” si dhe leksionin e hapur me temë “Qytetet ikonë të së ardhmes” nga Ark. James Costara, lektor pranë GSD Harward Boston SHBA.
Tryezë për prezantimin e studimit: “Taksa e Pasurisë së Paluajtshme – Instrument inovativ për rritjen e të ardhurave vendore”, 21 Tetor 2010 në Hotel “Mondial”, nga ora 11:00 në 13:00.
Në 21 Tetor, Co-PLAN, Instituti për Zhvillimin e Habitatit, në kuadër të Programit për Qeverisjen Vendore në Shqipëri financuar nga USAID dhe “Ndikimi në Politikëbërje” financuar nga Instituti për Shoqërinë e Hapur – OSI, Budapest prezantuan gjetjet dhe rekomandimet e studimit kërkimor “Taksa e Pasurisë së Paluajtshme – Instrument Inovativ për rritjen e të ardhurave vendore” në një tryezë bisedimesh me përfaqësues të njësive të qeverisjes vendore, Ministrisë së Financave, Ministrisë së Brendshme, Zyrës së Rregjistrimit të Pasurive, dhe aktorëve të tjerë të interesuar.
Në kuadër të projektit: “PËRMIRËSIMI I PERFORMANCËS MJEDISORE NË QEVERISJEN VENDORE”, Bashkia Fier dhe Co-PLAN, Instituti për Zhvillimin e Habitatit organizuan në datë 23 Shtator 2010, ora 10.00 – 12.00, në Fier aktivitetin promovues: Pilotimi i Sistemit te Ri të Grumbullimit të Mbetjeve me 3 Kosha.
Tiranë, Shtator 2010 – Bazuar në ligjin “Për Planifikimin e Territorit”, nr. 10119, datë 23/04/2009, Agjencia Kombëtare për Planifikimin e Territorit (AKPT) u angazhua në hartimin e Rregullores Uniforme të Planifikimit, Rregullores Model të Planifikimit dhe Rregullores Uniforme të Kontrollit të Zhvillimit. Në këtë proçes, i cili u realizua gjatë periudhës Korrik – Dhjetor 2010, AKPT u mbështetet teknikisht nga USAID, përmes Programit për Qeverisjen Vendore në Shqipëri. Në kuadër te hartimit të rregulloreve, bazuar ne ligjin 10119, AKPT u angazhua në një proçes konsultimi në nivel qendror dhe vendor.
Co-PLAN, Instituti për Zhvillimin e Habitatit organizoi më 15 Shtator një tryezë diskutimi rreth Qeverisjes Vendore dhe Instrumenteve Financiare Afatmesme.
Shoqëria Civile diskutoi me Kryeministrin për kuadrin rregullator të sektorit jo-fitimprurës.
Në përgjigje të kërkesës së Drejtorit Ekzekutiv të Fondacionit të Shoqërisë së Hapur për Shqipërinë, z. Andi Dobrushi, dërguar në emër të disa organizatave jo-qeveritare, në datë 8 Korrik 2010 u mbajt një takim mes dy përfaqësuesve të këtyre organizatave dhe Kryeministrit Sali Berisha.Takimi përfundoi me mandatimin nga ana e Kryeministrit të rifillimit të aktivitetit të grupit të përbashkët të punës qeveri-shoqëri civile, i ngritur që prej muajit janar 2009 pranë Ministrisë së Financave si një mekanizëm bashkëpunimi për adresimin e problematikës së sektorit jo-fitimprurës në Shqipëri.
Takimi u përqëndrua në dy çështje parësore për shoqërisë civile dhe rolin e saj në demokratizimin e vendit: kuadri rregullator i sektorit dhe tërësia e marrëdhënieve qeveri-shoqëri civile.
Katër tryeza rajonale u organizuan në fund të muajit mars dhe javën e parë të muajit prill, në Rajonin e Fierit, Kukësit, Korçës dhe Shkodrës, me përfaqësues të njësive vendore me qëllim: (1) Shpjegimin dhe dikutimin e rëndësisë së Ligjit të ri “Për planifikimin e territorit”, si dhe iniciativën e ndërmarrë për hartimin e akteve nënligjore; (2) Prezantimin e rezultateve të intervistave të terrenit; (3) Konfirmimi apo modifikimi i çështjeve substanciale të diskutuara si shqetësime të njësive vendore.
Në bashkinë Kukës përgjatë datave 18-19 Mars 2010, u realizuan prezantimet lidhur me miratimin e Planit të Përgjithshëm Rregullues pranë K.R.T-së dhe Këshillit të bashkisë Kukës.
Paraqitja e planit përfshiu komponentët e listuar si më poshtë vijojnë:
• Analiza dhe vleresimi i gjendjes ekzistuese
• Vizioni i Qytetit
• Idetë udherrëfyese për transformimin e qytetit
• Metodologjia dhe hapat përkatës
• Raportet midis infrastrukturave dhe mjedisit
• Fazat e zbatimit të planit të shtrira në kohë
• Rekomandimet dhe konkluzionet mbi zbatimin e planit në vijim.
Në datë 12 Shkurt 2010 në Pallatin e Kulturës së qytetit, u zhvillua procesi i prezantimit të Planit të Përgjithshëm Rregullues të Bashkisë Kukës. Në këtë eveniment morën pjesë: kryetari i Bashkisë Kukës, Z. Hasan Halilaj, Kryetari i Qarkut Kukës Z. Shefqet Bruka, dhe shumë qytetarë të cilëve i’u prezantuan idetë dhe propozimet e Planit Rregullues për këtë qytet.
Në datë 17 Shkurt 2010 në bibliotekën e qytetit të Fushë Krujës nisi procesi i prezantimit të Planit të Përgjithshëm Rregullues të Bashkisë Fushë Krujë. Ky eveniment, i cili synonte të informonte publikun e gjerë, qytetarët dhe aktorët kryesorë të zonës lidhur me objektivat dhe përcaktimet kryesore të Planit, u organizua nëpërmjet bashkëpunimit të Bashkisë Fushë Krujë, Programit të Qeverisjes Vendore në Shqipëri të USAID si dhe Co-PLAN.