CCL, Circular City Labs – Tirana
Circular City Labs (CCL) Tirana është një pilot për projektin Urban Partnership Accelerator Initiative (UPAI) në Shqipëri. Projekti synon të reduktojë emetimet e gazeve serrë (GHG) duke promovuar sisteme të ripërdorshme ekonomikisht të qëndrueshme dhe duke forcuar pjesëmarrjen e grave në ekonomitë qarkulluese lokale në bashkinë e Tiranës. Objektivi specifik i projektit konsiston në sistemet e paketimeve të ripërdorshme të zhvilluara dhe të testuara në qytetin e Tiranës, dhe forcimi i pjesëmarrjes së grave në ekonominë qarkulluese lokale, duke reduktuar përfundimisht emetimet e GS në qytet nëpërmjet parandalimit të mbetjeve. Objektivi specifik përfaqëson një qasje të shumëanshme ndaj qëndrueshmërisë që përfshin:
- Identifikimi, prototipizimi, testimi dhe zbatimi i zgjidhjeve të paketimeve me materiale që mund të përdoren shumë herë në vend që të hidhen pas një përdorimi të vetëm. Aspekti i testimit nënkupton vlerësimin e plotë të qëndrueshmërisë ekonomike, efektivitetit, qëndrueshmërisë dhe prakticitetit të këtyre sistemeve të paketimit të ripërdorshëm (përfshirë provat dhe testet në botën reale).
- Forcimi dhe fuqizimi i pjesëmarrjes së grave në ekonominë qarkulluese lokale. Gratë janë përgjegjëse për 70-80% të blerjeve shtëpiake dhe ato mbështeten në nevojën për trashëgimi në praktikat e ripërdorimit dhe qarkullimit në Shqipëri (minimizim i mbetjeve dhe maksimizimi i përdorimit të burimeve). Forcimi i pjesëmarrjes së grave mund të përfshijë krijimin e mundësive për punësim, sipërmarrje ose role udhëheqëse brenda nismave të ekonomisë qarkulluese.
- Kontributi në synimet mjedisore të bashkisë së Tiranës nëpërmjet një reagimi inovativ në parandalimin e mbetjeve (në përputhje me planin dhe politikën më të gjerë të menaxhimit të mbetjeve) dhe reduktimin e emetimeve të gazeve serrë në Tiranë për një jetë më të mirë urbane gjithëpërfshirëse (njëkohësisht, duke kontribuar në angazhimet e Qeverisë Shqiptare të përshkruara në Komunikata e Katërt Kombëtare e Shqipërisë për Ndryshimet Klimatike)
Projekti CCL kryhet nga Deutsche Gesellschaft für Internationale Zusammenarbeit (GIZ), në bashkëpunim me ICLEI, në emër të Ministrisë Federale Gjermane për Bashkëpunim Ekonomik dhe Zhvillim (BMZ) Gjermani.
Emri i klientit: Deutsche Gesellschaft für Internationale Zusammenarbeit (GIZ)
Origjina e financimit: Bashkimi Evropian
Emri i personit juridik: Co-PLAN, Instituti për Zhvillimin e Habitatit
Anëtarët e konsorciumit: Destil Creative Hub, Universiteti POLIS
Kohëzgjatja: 01/03/2024 – 30/07/2019