TURN – Adresimi i marrëdhënieve industriale drejt ekonomisë rrethore në sektorët e metaleve, kimikateve, tekstilit, energjisë dhe ndërtimit
Përmbledhje e projektit:
Tranzicioni i BE-së drejt ekonomisë qarkulluese (EQ) do të reduktojë presionin mbi burimet natyrore dhe do të krijojë rritje të qëndrueshme dhe vende të reja pune. Është gjithashtu një parakusht për të arritur objektivin e BE-së për neutralitetin klimatik për vitin 2050 dhe për të ndaluar humbjen e biodiversitetit. Në mars 2020, Komisioni Evropian miratoi planin e ri të veprimit të ekonomisë qarkulluese (CEAP), që është një nga blloqet kryesore të ndërtimit të Marrëveshjes së Gjelbër Evropiane, axhenda e re e Evropës për zhvillim të qëndrueshëm. Plani i ri i veprimit synon të qartësojë mënyrën se si dizenjohen produktet, promovon proceset e ekonomisë qarkulluese, inkurajon konsumin e qëndrueshëm, synon të sigurojë që mbetjet të parandalohen dhe burimet e përdorura të mbahen në ekonominë e BE-së për aq kohë sa të jetë e mundur, dhe prezanton masa legjislative dhe jo legjislative, duke synuar fushat ku veprimi në nivel të BE-së sjell vlerë reale të shtuar.
Projekti TURN ka për qëllim të mobilizojë partnerët socialë, aktorët e marrëdhënieve industriale dhe ndërmarrjet drejt EQ-së, në mënyrë që të ndërgjegjësojë punëtorët se sistemi i prodhimit në të cilin bëjnë pjesë respekton natyrën dhe mjedisin dhe të sigurojë aftësitë dhe mjetet e tyre për të dialoguar me kompaninë për këtë objektiv. Projekti synon përmirësimin e ekspertizës dhe njohurive mbi marrëdhëniet industriale përmes analizave dhe kërkimeve në fushën e EQ, në nivel të BE-së, si dhe në terma krahasues, duke identifikuar konvergjencat dhe dallimet në reagimin e sistemeve të marrëdhënieve industriale në fuqi në BE, shtetet anëtare dhe në vendet kandidate, duke kontribuar në zhvillimin dhe forcimin e cilësisë dhe efektivitetit të strukturave dhe proceseve të marrëdhënieve industriale në shtetet anëtare dhe në Evropë në tërësi.
Financuar nga: Bashkimi Europian
Kohëzgjatja: 36 muaj, Nëntor 2023-Nentor 2026
Koordinator projekti: SINDNOVA – Associazione per lo Studio Delle Innovazioni e delle Trasformazioni Produttive e del Lavoro (IT)
Përfitues të tjerë:
- FIM CISL (IT), FEMCA CISL(IT), FILCA CISL(IT)
- OZ IPLIK IS (TR), Türk Metal (TR)
- CO-PLAN (ALB), FSPISH (ALB)
- CSPS (SK), KOZ SR (SK)
- F1M (ES), CCOO Industria (ES)
- INDUSTRIALL (BE), EFBWW (BE)
Programi: Social Prerogative and Specific Competencies Lines (SOCPL) / Të Drejtat Sociale dhe Linjat e Kompetencave Specifike (SOCPL)
Thirrja: Përmirësimi i ekspertizës në fushën e marrëdhënieve industriale (SOCPL-2022-IND-REL)